«Վարձկանության գործոնը անվտանգության համակարգերում». դասախոսություն
2022թ. մարտի 11-ին Քաղաքակրթական և մշակութային հետազոտությունների կենտրոնում տեղի ունեցավ ՔՄՀԿ տնօրեն Դավիթ Հովհաննիսյանի դասախոսությունը՝ «Վարձկանության գործոնը անվտանգության համակարգերում» թեմայով:
Բանախոսը ներկայացրեց վարձկանության պրակտիկայի ձևավորման և զարգացման փուլերը, միջազգային համապատասխան փաստաթղթերում «վարձկան» և «վարձկանություն» եզրույթների սահմանման դրույթները, «Վարձկանների հավաքագրման, օգտագործման, ֆինանսավորման և մարզման դեմ միջազգային կոնվենցիայով» սահմանված պարտավորությունները:
Դասախոսությանը հաջորդեց քննարկում մեր տարածաշրջանում վարձկանության հիմքով գործող խմբավորումների գործունեության և դերի, հավաքագրման գործընթացի, և մասնավորապես, Արցախյան պատերազմում վարձկան-զինյալների մասնակցության վերաբերյալ:
***
Քննարկումը կազմակերպվել է ՀՀ ԿԳՄՍ նախարարության Գիտության կոմիտեի 21T-5F251 «Վարձկաններն ու տարածաշրջանային անվտանգության դինամիկան» գիտական թեմայի ֆինանսավորման շրջանակում:
