ՔՄՀԿ հետազոտող Հայկ Քոչարյանը «Արմենպրես»-ին տված հարցազրույցում անդրադարձել է Սիրիայում վերջին սրացումներին՝ դրանք պայմանավորելով տարիներ շարունակ կուտակված ներքին տարաձայնություններով։ Նա ընդգծել է, որ քաղաքացիական պատերազմից խուսափելու համար անհրաժեշտ են հսկայական ջանքեր՝ հաղթահարելու անհանդուրժողականությունն ու արյան վրեժը։ Քոչարյանը կարևորել է անցումային իշխանության գործողությունները՝ երկրի միասնականությունը պահպանելու և կայունություն հաստատելու ուղղությամբ։ Նա նաև չի բացառել միջազգային մանդատի ներքո խաղաղապահ ուժերի տեղակայումը Սիրիայում՝ ընդգծելով, որ իրավիճակի վատթարացումը բացասաբար է անդրադառնում էթնիկ ու կրոնական փոքրամասնությունների, այդ թվում՝ հայերի:
