«Քաղաքակրթական և մշակութային հետազոտությունների կենտրոն» հիմնադրամը ստեղծվել է 2021թ հունիս ամսին Երևանի պետական համալսարանի ինքնուրույն ստորաբաժանում հանդիսացող Քաղաքակրթական և մշակութային հետազոտությունների կենտրոնի (2007թ.-2021թ. ապրիլ) գործունեության և գիտահետազոտական ուսումնասիրությունների և վերլուծությունների շարունակականությունը ապահովելու նպատակով: Կենտրոնի հետազոտական թիմը իրականացնում է տեսական և գիտահետազոտական վերլուծություններ ադապտացիոն մեխանիզմների և գործիքների վերաբերյալ, հետազոտություններ «Երեք ծովերի համակարգ» և «Ցանցապետություն» հայեցակարգերի համատեքստում, ինչպես նաև ուսումնասիրություններ և ծրագրեր թվային հումանիտար գիտություններում հայերենի դերի ու հեռանկարների վերաբերյալ: