Քաղաքակրթական և մշակութային հետազոտությունների կենտրոն հիմնադրամում այսօր մեկնարկեց «Ժողովրդավարություն, քաղաքական մասնակցություն և անվտանգություն» խորագրով գարնանային դպրոցը:

Դասընթացի առաջին օրը հայ և ռումինացի ուսանողները ծանոթացան «Երեք ծովերի համակարգ» տեսությանը և ունկնդրեցին դասախոսություն «Ռուսական և սովետական կայսերական ժառանգությունը հետգաղութատիրական Եվրասիայում» թեմայով:

Գարնանային դպրոցը «Ընդլայնելով հայ-ռումինական երկխոսությունը ակադեմիական փոխանակման» միջոցով ծրագրի բաղադրիչներից մեկն է: Այն իրականացվում է Բուխարեստի համալսարանի Քաղաքագիտության ֆակուլտետի հետ համագործակցությամբ և Black Sea Trust հիմնադրամի աջակցությամբ: